蘭芳園

营业中

休息中

香港蘭芳園是絲襪奶茶創始者，聽到呢句都值得嚟試下，仲有其他小食🤔 傳統咖央西多士、金牌豬扒包、芝士成牛脷包等等🤓因為佢係朝早7點半開，6點就閂門，所以想嚟好多次，今次先係第一次成功😂 不過呢度似做遊客生意多啲，場內有7-8成都係遊客🫣 佢嘅奶茶真心相對普通，熱奶茶唔夠熱，凍奶茶少咗冰都無乜茶味😮‍💨 西多士係即叫即整，下午茶餐包埋熱飲$44，價錢都略貴，但的確好食嘅！同樣，奶油豬仔包味道OK，但係超級迷你，食兩嗰都未必飽😂 仲有寫住嘅香港手信，$46有四大粒，我覺得有少貴，但真係幾好味嘅😂不過好老實講，試過一次就夠，無乜嘢令我再嚟😂