影片
更多
2007-04-01
17 浏览
其實已經係第三次入黎食Buffet,不過對上一次已經係兩年前既事,大佬,入一入黎真係要時間架~為慶祝老公加人工,同埋做緊ID有2、0、7是旦一個字七折,更係入黎食番餐好架喇~入到去,發現原來從新裝修過,出面燒烤位整左個好靚既小亭,仲多左好多食物呀~~裡面亦都比我記憶中多左30%既食物,好驚喜呀!!頭盆當然要食刺身啦~刺身部有位亞姐不停切畀我地,有三文魚、立魚、吞拿魚、大八爪魚片、北寄貝同甜蝦,另外仲有小小壽司同玉子,只要你有要求,亞姐亦都會畀滿一個小碟你架~由於大家都見到個櫃裡面大把刺身,所以大家都唔會爭,最多排三、四個人已經有得食啦~刺身既新鮮度都有70分,但以咁既價錢既Buffet黎講,加上長期供應、任食唔嬲,都已經好抵!跟住食下其他冷盆,有成十幾款特別整既肉片,多數用三文魚做主料,大部份都好食!當然都唔少得煙三文魚啦~另外仲有好幾款唔同既煙肉類,都好味~而沙律都有適當份量,不過我就冇食,因為我知道呢餐太多野食,就算每樣試一啖都係食唔哂咁多野!之後到泰色沙律同冷盆食物,都有成八款比你揀,我只係試左其中兩款每樣一啖,OK!另外亦都有日式冷麵同螺肉、八爪魚仔等小食,不過係咁多野食既情款
不過對上一次已經係兩年前既事,
大佬,入一入黎真係要時間架~
為慶祝老公加人工,
同埋做緊ID有2、0、7是旦一個字七折,
更係入黎食番餐好架喇~
入到去,
發現原來從新裝修過,
出面燒烤位整左個好靚既小亭,
仲多左好多食物呀~~
裡面亦都比我記憶中多左30%既食物,
好驚喜呀!!
頭盆當然要食刺身啦~
刺身部有位亞姐不停切畀我地,
有三文魚、立魚、吞拿魚、大八爪魚片、北寄貝同甜蝦,
另外仲有小小壽司同玉子,
只要你有要求,
亞姐亦都會畀滿一個小碟你架~
由於大家都見到個櫃裡面大把刺身,
所以大家都唔會爭,
最多排三、四個人已經有得食啦~
刺身既新鮮度都有70分,
但以咁既價錢既Buffet黎講,
加上長期供應、任食唔嬲,
都已經好抵!
跟住食下其他冷盆,
有成十幾款特別整既肉片,
多數用三文魚做主料,
大部份都好食!
當然都唔少得煙三文魚啦~
另外仲有好幾款唔同既煙肉類,
都好味~
而沙律都有適當份量,
不過我就冇食,
因為我知道呢餐太多野食,
就算每樣試一啖都係食唔哂咁多野!
之後到泰色沙律同冷盆食物,
都有成八款比你揀,
我只係試左其中兩款每樣一啖,
OK!
另外亦都有日式冷麵同螺肉、八爪魚仔等小食,
不過係咁多野食既情款下,
我絕對唔會食飯類同麵類,
同埋一d出面成日都食到而又唔貴既小食,
所以最後只係食左幾粒最愛既螺肉,
但睇其他野個樣都應該唔差。
之後係西色海鮮,
有d凍食,有d熱食,
有龍蝦仔、蠔(唔係生蠔)、帶子、大蝦等等,
老公好鍾意食,
不過我唔太好,
所以只係試左老公少少,
但都覺得有水準,
比到90分!
呢個時候待應將附送既木瓜佛跳牆放係我地面前,
嘩! 真係魚翅、海參、乾貝、火腿等等咩都有d喎~
味到亦都唔錯呀!
之後做番個中國人,
食返d中菜先~
又係咩都有d,
有炒雜菜、炒飯、炒麵、炒四季豆、汁煮豬扒、
海南雞飯、西芹肉片、茄汁煮魚等等,
太多,記唔晒!
又係大部份每樣試dd,
全部合格!
再跟住就要走出去出面個咁靚既亭度睇下有咩好野食啦~
基本燒烤食物:牛扒、豬扒、雞亦、大蝦、肉腸、串燒雞軟骨、串燒雞肉等等,
仲有日式天婦羅、
日式麵(超細碗,fit!唔會要你食到飽,但又幾多)
酒煮辣田螺、
粥(料再叫師父落)、
中式麵、
翅(絕對唔係碗仔翅)等等,
好似仲有一、兩樣,
但唔記得。
全部都係師父即叫即燒、即煮、即炸,
(post上黎張相因為係走既時候先影,所以得一個人,
但其實本來有成十幾個師父係度架~)
最正係個翅呀!
一碗裡面真係超多翅,
有d係好細排既翅,
有d係一條條粗過牙籤既翅,
分量多到好過大把大酒樓既翅啦~
而味道都好OK,
不過不失,
我都忍唔住食左兩大碟,正!!
呢個時候又走去整個赤小豆煲豬湯先~
又係一個非常好味既湯!
其實仲有個唔知咩菜忌廉湯,
都似乎OK既~
但當然整個唔好咁飽肚既湯啦~
跟住其實我諗大家睇到我寫既食物已經知道我開始飽飽地...
所以再食既就應該係甜品啦~
有一個焗蛋既東西好好食,
底層係滑滑既蛋,
上層係焗到好香好脆、一層層既皮,
面頭仲加左好多杏仁片上去,
食既時候再加d蛋汁(好似有練奶成份),
襯熱食, 好味呀!!
另外中式既甜品有熱杏仁露同紅豆沙,
而日式既有什果班戟同燒餅,
我只係食左班戟,都OK啦~
仲有西式既就有廿幾三十款西餅小點同朱古力噴泉,
d西餅個樣都幾精緻呀~
我又係揀左其中十樣八樣每樣試一啖,
都OK啦~
最好食係個朱古力噴泉同藍梅芝士餅,
不過其中慕士朱古力蛋糕同慕士芒果蛋糕就麻麻地!
最後更係食番個雪糕先啦~
全部都係雀巢既90g杯裝雪糕,
有五個口味:朱古力、芝麻、紅豆、芒果同雲尼拿,
不過雲尼拿只係見過一、兩盒,
唔知係咪餐廳職員都知雲尼拿冇乜人食,
所以一路都冇再加番落去呢?
而其他四款口味職員都不停check住仲有冇同加新既~
由頭到尾都長期供應,
唔會令你覺得冇得食!
而我咁鍾意食雪糕就更係唔只食一杯啦~
朱古力、芝麻、紅豆各一杯,
加兩杯芒果味,正!!
嘩!
食埋個雪糕之後真係飽到乜都食唔落啦~
最後飲埋附送埋既餐飲凍檸茶,
超滿足啦~~~
總括黎講,
呢度不但keep到本身水準,
仲有進步添呀!
職員服務個個都好好,好有禮貌!
周圍感覺都好乾淨,
最緊要係抵食嘛~~~!
記得個價錢又同兩年前冇分別,
兩年前食好似係八折,
但最後埋單個價好似都係$240左右。
而且以二百幾蚊呢個價,
我敢講絕對係全港最好食既一間Buffet啦!
分分鐘有少部份三百頭既Buffet都冇佢咁多野食呀!
不過有一樣小小奇怪,
食完之後唔係太覺得有咩係韓式食物,
但可能係有d小食我食左都唔知係韓式架啦~~
张贴
