影片
更多
2018-02-04
3938 浏览
之前同同事講左好耐要食好西，本來諗住buffet，但唔知點解講起北京片皮鴨，蒐集完資料後，最後決定黎大都烤鴨食野。呢度處理烤鴨係以開放式廚房進行，所以唔怕醜怪可以棟係玻璃前望下師傅處理烤鴨都得既🤪！嚟前記得早兩日訂檯啦，我地星期五去食星期四訂檯都話Full Booking，好彩Walk-in 4人以下都有少量位。黎呢度緊係食烤鴨啦，除左散嗌，亦可以叫套餐。就算唔食填鴨都可以食其他鴨子料理，一共有十款食法，都未計後面仲有鴨舌啊之類既選擇。係鴨黎之前我地叫左籠小籠包，一籠四隻，啱啱蒸出籠熱辣辣。夾小籠包都係一門技術，要用柔力，唔係好易穿。呢度小籠包皮薄餡多湯汁，輕輕咬一口D肉湯流曬出黎。我地三個人叫左一隻全鴨，除左配置兩籠荷葉餅，仲有京蔥、蜜瓜、青瓜、紅心蘿蔔等配料，另外有鴨醬同白砂糖，當然唔少得已經片起左既鴨皮同鴨肉啦。荷葉餅一籠六塊左右，超薄。主角烤鴨，鴨皮呈焦糖褐色，如果掀開研究，會發現皮下面連住個層鴨脂肪都被師傅片走左，所以塊鴨皮係完全唔油膩架。將所有材料擺係荷葉餅之後包起，我冇落白砂糖而係落鴨醬，好似加左麥芽糖去熬製一樣，濃稠而香甜。捲起送入口，咬過清爽既蔬菜，京蔥辛香味提升了鴨
呢度處理烤鴨係以開放式廚房進行，所以唔怕醜怪可以棟係玻璃前望下師傅處理烤鴨都得既🤪！
嚟前記得早兩日訂檯啦，我地星期五去食星期四訂檯都話Full Booking，好彩Walk-in 4人以下都有少量位。
黎呢度緊係食烤鴨啦，除左散嗌，亦可以叫套餐。
就算唔食填鴨都可以食其他鴨子料理，一共有十款食法，都未計後面仲有鴨舌啊之類既選擇。
係鴨黎之前我地叫左籠小籠包，一籠四隻，啱啱蒸出籠熱辣辣。
夾小籠包都係一門技術，要用柔力，唔係好易穿。呢度小籠包皮薄餡多湯汁，輕輕咬一口D肉湯流曬出黎。
我地三個人叫左一隻全鴨，除左配置兩籠荷葉餅，仲有京蔥、蜜瓜、青瓜、紅心蘿蔔等配料，另外有鴨醬同白砂糖，當然唔少得已經片起左既鴨皮同鴨肉啦。
荷葉餅一籠六塊左右，超薄。
主角烤鴨，鴨皮呈焦糖褐色，如果掀開研究，會發現皮下面連住個層鴨脂肪都被師傅片走左，所以塊鴨皮係完全唔油膩架。
將所有材料擺係荷葉餅之後包起，我冇落白砂糖而係落鴨醬，好似加左麥芽糖去熬製一樣，濃稠而香甜。捲起送入口，咬過清爽既蔬菜，京蔥辛香味提升了鴨肉的層次，再配上甜甜鴨醬，鴨皮鴨肉相映成趣，好一個味覺的享受。
其實兩籠荷葉餅並唔夠一隻鴨包，再加六張就要加40蚊，但由於包完兩籠我地三個都覺得食唔落更多澱粉，所以冇加單。就咁靜食埋剩低既鴨肉同埋皮，鴨皮好香脆好似紙咁薄，而鴨肉味道好濃郁，又係另一種享受。最後人均200零蚊，我覺得其實好抵。
张贴
