八月花 (東薈城名店倉)

营业中

休息中

同屋企人黎咗東薈城行街，見到呢間餐廳做緊信用卡六折優惠，就坐低咗啦。呢度嘅環境幾靚，裝修幾特別，樓底又夠高，坐得好舒服。今次叫既係六位用既秋冬紅酒宴，有六餸同甜品。蒲燒三文魚腩伴沙律呢個食落幾得意！蒲燒三文魚味道唔錯，三文魚幾滑，下面既沙律係洋蔥同青紅椒，洋蔥辣辣地幾開胃。咖喱巴西龍蝦尾拌蒸饅頭呢個就普普通通啦！咖喱味道係OK嘅，但係龍蝦就食到好大浸雪味，而且饅頭都比較細粒，感覺唔係好抵。濃湯小龍膠魚皮角雞煲呢個係咁多個餸之中最好嘅！花膠厚身得黎有咬口，而且魚皮角分量都好多！個湯香得來又唔會好濃味，推介！蠔皇原隻鮑魚伴花菇鮑魚同花菇味道都算入味，唯一敗筆係佢用咗溫室豆苗，感覺成個downgrade咗。清蒸沙巴花尾躉味道OK唔會過熟明爐脆皮燒鵝雖然得半隻，但係都幾大隻，個皮都算脆口，不過某啲部位有少少鹹。合時凍糕甜品係咖啡凍糕，味道都幾香濃，煙煙韌韌幾好食因為有信用卡優惠，所以埋單人均二百幾蚊，感覺都算抵，但係如果冇折嘅話就未必會過嚟食。