Marco's buffet (已結業)

睇之前d食評非常差，但今日食左又覺得ok喎！兩點半後六五折，我地食三點三，連加一每人82蚊，食物比想像中多，熟食有黑椒牛扒，茶記水凖，味道👌🏻，但只出左一轉，燒汁鴨胸、紅燒牛腩、鵝肝它它、三文魚它它都👌🏻驚喜有外籍廚師即場煮的黑松露芝士意粉，味道吾錯。另外有炒飯、炒烏冬、炒米粉、菜心、雞亦、薯條、洋蔥圈、漢堡扒、炸餃子、炸春捲、炸咖哩角、pizza，沙律菜都👌🏻，甜品就少左d，除左相中的甜品，另外仲有椰汁西米露同涼粉。地方不算大，但枱與枱之間算闊，都坐得舒服既，員工服務算好，收碟幾快。以呢個價錢嚟講，算係咁上下啦，起正屋企附近，應該都有下次既😏