舒房 (已結業)

之前睇ig介紹過依間餐廳 俾相入面既藍色牆吸引 又近我屋企 於是就同男友一齊黎位置上都唔係好難搵 係條斜路度 一眼就搵到 一入到去冇乜人 可能係時間比較早 所以都得一枱客 食物方面 食物選擇並唔多 主要都係飲品為主 飲品同樣主要係咖啡茶soda 冇乜特別 menu上面冇寫有意粉蛋糕 需要係出面門口個版度或者係收銀櫃台度先搵到 都係選擇唔多 有點失望最大吸引力就係外邊茶座位置 但因為成30度都有 出面又冇風扇變左好熱 所以就坐番入去 走之前先影張相留念 藍色既牆仲有掛左花上去 真心影相一流 不過其實茶座位置對上係住宅 不時有d水係咁滴落黎 雖然有個遮頭 不過都係好大聲好嘈同埋個天花係透明 應該冇乜清潔過 所以好污穢😖坐左陣好快就走左 服務員態度都好有禮貌會同你講拜拜 總體黎講 如果為左影相而來既 或者係想靜靜黎同朋我傾下計既 依度都係算有吸引力 不失為個好地方 價錢都唔算貴幾抵 但如果為食而黎既 依度食物選擇唔多 希望舒房可以試下加多小小食物飲品選擇 或者可以加小小小食 應該更大吸引力