但試唔到韓式辣味又心又不甘
所以就約埋個fd一齊去Shek Yam呢間食喇~(其實係我住得近o即)
去到見到最新出左麵餐...有牛肉麵同炸豬扒麵
不過我目的係鍋貼所以無要到~
今次門口寫住套餐送野飲...我叫之次特登問下個"姐姐"
佢好好人咁答我話唔好意思公司規定兩點先有，仲有5分鐘，你地坐一陣先叫ㄚ
我地都無咩所謂...轉個頭個姐姐就問我地叫咩食，話叫廚房煎定先
o拿!!!呢D先係嫁嘛...比起TW果間，SY呢間好過佢十萬幾倍啦
環境又乾淨超多！
今次叫左兩個Set
1)韓式辣味鍋貼+旗魚丸湯+免費凍豆槳
韓式辣味鍋貼真係好好食...我個人覺得好食過o加o厘
個旗魚丸湯一樣咁正！好鐘意咁多紫菜！
個豆槳個人認為稍為甜左少少...不過係我自己不嬲唔食開甜...應該係ok ge
雖然係送ge，但一樣好大杯...加埋碗湯，超飽...飲左一半就無飲lu...
2)招牌水餃+貢丸湯+凍0水
個人成日覺得水餃會好粉唔好食...但試左一舊又唔係喎
都好好味呀...我幾鐘意佢D裡面D料...但我分唔出裡面有D咩~哈哈
貢丸湯無試...唔知
凍0水都係好大杯...一個字:抵！
走果時見到有媽媽同仔仔黎食...佢地叫左一個牛肉麵set就算
一睇，Wa!!!個麵勁大碗...嚇親我！好似人地酒樓幾個人食一碟果D咁
唔知係咪因為個碗大而比我ge錯覺呢？
.....
埋單total:$54
完全值得我再翻黎食多次！
