合一咖啡屋餐廳 (已結業)

大食會前約埋同事傾偈，呢區好多咖啡店，揀咗呢間因為未試過！門面幾大！地方都易搵，入裡面坐低，西式木傢俬好簡潔，燈光偏暗，可能等氣氛適合傾偈！坐低店員就放低餐牌比我哋，但之後要食飯，我哋都唔想叫咁飽，所以只單點一杯飲品，見枱面介紹杯特色Latte系列好靚叫杯「草莓Latte」可惜店員話今日無 就改叫杯香芋Latte(比個粉紫色拉花吸引！）香芋latte:點知上枱杯咖啡無咗個粉紫色拉花，只係得一團白色忌廉，即刻覺得受騙，問店員點解無了拉花，佢好無辜望一望我就走咗去！ 我將團忌廉攪落個杯灰色嘅飲品度（相片係淡紫色）飲一啖，味道好好好甜 有芋頭味但假！如果你無信心整杯正常特飲比我，不如話無，我覺得自己浪費了配額去飲呢杯嘢！ 焦糖歐法加杜（少甜）：即焦糖咖啡沙冰，朋友話冰碎滑，唔太甜！咖啡味唔澀易入口，好味！（好後悔無跟隨叫咖啡 ）環境好適合傾偈，廁所設備齊全，而且乾淨！幾好！店員明顯遊魂！又唔答問題！都係專心做咖啡好喇！