翡翠拉麵小籠包

营业中

休息中

從前人流如鯽既機場，而家變得好冷清，唔係為左送朋友機，相信都唔會近期黎呢度。非禁區可以選擇既餐廳十分之少，就隨便揀左間叫做中式坐低填飽個肚。擔擔麵可以講係頗為災難級，湯底一味得個辣字，雖然都有花生醬汁在內，但毫無香氣，同埋係無菜莆粒，成碗麵都係無層次。菜肉雲吞麵相對正常一啲，清湯同菜肉雲吞既味道都配合到，雲吞份量夠多，同埋本身麵條唔會太糊口，越簡單既野反而無咁難食。由於個麵真係一般般，唯有再叫多籠小籠包填飽個肚，唔知係咪呢樣先算係招牌？食落覺得皮薄但保留到肉汁，點埋薑絲同醋提到鮮味，算係挽回少少分數。