MOS Burger (粉嶺中心)

营业中

休息中

之前食過Mos Burger都覺得幾好食,但呢間分店完全唔得…首先,買完嘢打單出嚟,發現個價貴過水牌一截,本來以為係某一項個價set錯咗,點知原來點咗四項,每項都錯…最後問收銀,先支支吾吾咁話可能打咗外賣價,但明明寫住dine in...結果原來一共收多成24蚊!無check單的話,就會俾人呃咗一截了!等咗差不多三個字,嘢食終於到。薯條一睇油淋淋的,明顯唔係新鮮炸起,而且完全唔熱,大概係比室溫暖少少…仲有部份明顯係翻炸,而且偏燶。雞塊同樣係唔熱,成件軟腍腍咁,而且味道一般。牛肉堡味道唔錯,鍾意佢嘅醬汁有好香嘅肉味。而另一個飯堡就無乜特別。去食嘅時候並唔多人,但係由收銀至出餐都好似好忙好亂咁…而且食物質素有待改善。