影片
更多
2017-08-22
229 浏览
今日一場黎到popcorn做野，由時間尚早，咁岩又未食野，見好耐都冇食過simply life，所以入去食個午餐先。入去撳飛，由於場入只坐滿30%，所以好快有位。職員粒聲唔出，冇咩笑容，然後收飛，直接帶我就坐。如果可以講聲你好，打下招呼，會更加好喇。不過都明白太早返工係冇咩精神既。Menu 都係個幾味，提外話，今次有個外籍職員幫我落order，好少見，通常都係本地職員多，點完單之後，仲幫我打開餐巾，示意可以用黎墊下，都幾細心，如果多返d笑容就好返，會親切少少。呢度餐湯沙律二揀一，我見其他客人都係，不論沙律都餐湯都有跟法包。唔想太乾就揀餐湯，the soup of the day - tomato soup，另外主菜揀雞肉漢堡，餐飲揀冰茶。番茄湯-應該係兩溝番茄，一般番茄再加車厘茄，唔佢另外會唔會再落罐頭茄湯做底。有質感，飲到佢係打爛晒d茄，另外再有一開二車厘茄粒，有d咬口，質感上會有層次。如果鍾意食茄，會幾鍾意。佢應該係素湯，冇落肉，但係我又食到有芝士係入面，唔知佢係加左芝士，定唔小心落左d芝士落去。整體我覺等有8分。法包-我本身唔太好法包，呢個不過不失，脆既個面，但又唔係好脆，蘸湯食
入去撳飛，由於場入只坐滿30%，所以好快有位。職員粒聲唔出，冇咩笑容，然後收飛，直接帶我就坐。如果可以講聲你好，打下招呼，會更加好喇。不過都明白太早返工係冇咩精神既。
Menu 都係個幾味，提外話，今次有個外籍職員幫我落order，好少見，通常都係本地職員多，點完單之後，仲幫我打開餐巾，示意可以用黎墊下，都幾細心，如果多返d笑容就好返，會親切少少。
呢度餐湯沙律二揀一，我見其他客人都係，不論沙律都餐湯都有跟法包。唔想太乾就揀餐湯，the soup of the day - tomato soup，另外主菜揀雞肉漢堡，餐飲揀冰茶。
番茄湯-應該係兩溝番茄，一般番茄再加車厘茄，唔佢另外會唔會再落罐頭茄湯做底。有質感，飲到佢係打爛晒d茄，另外再有一開二車厘茄粒，有d咬口，質感上會有層次。如果鍾意食茄，會幾鍾意。佢應該係素湯，冇落肉，但係我又食到有芝士係入面，唔知佢係加左芝士，定唔小心落左d芝士落去。整體我覺等有8分。
法包-我本身唔太好法包，呢個不過不失，脆既個面，但又唔係好脆，蘸湯食都ok。有得揀我會食軟包，或者走法包。我諗舊包有7分既。
冰茶-正確黎講係血橙冰茶，其實杯野係少少茶味加糖水，再加少少血橙味。味道都不過不失，如果茶味突出d仲好。不過幾欣賞佢用血橙，始終比較少地方會用佢，個味同橙有d分別，但係又香香地，佢可以窄少少血橙汁溝落去，效果可能仲好。呢杯野我覺得有潛質昇華，7.5分。
雞肉漢堡-主角有薯條做伴菜。先讚後踩，佢個賣相幾好，特別岩d食肉獸，同埋d芝士溶溶地，可以將個包d涵包實，令成個漢堡唔會走位走樣。味道好既係伴碟炸番茄，同舊包入面既蘑菇。第一次食炸番茄，外脆內juicy，有驚喜，同埋個番茄都好多肉。而佢個蘑菇都好重蘑味，質應有咬口。
唔好既係因該個包係燒既，所以都有d燶味，我個人唔太食到呢個味。雞都有咁既情況（燶味），佢用左雞胸，比較淡口。另外伴碟薯片都有d過火，不是味道唔差。最後我切走d燶位，再完成佢。主菜6分。
Simply life 多人排隊既原因，應該係佢個環境，同埋食品賣相，對於鍾意相機食先既年青人，其實唔錯。但係佢本身都有好多改善空間，包括服務同食品味道等。是次消費$97，值唔值，睇你睇咩重d，非繁忙時間去食，再hea下其實幾寫意。幫趁完呢次之後，我應該會隔好一段時間先再黎。
$97
23 浏览
0 赞好
0 留言
张贴
