影片
更多
2018-09-10
169 浏览
食物既種類都算多，例如 三文魚(影個陣咁岩冇曬），壽司，青口，賴尿蝦同長腳蟹呢啲就比較少見韓燒會有，而且9點後$188，呢個價有海鮮食就算唔錯。環境都幾闊落，坐得都幾舒服。前菜都算多款，蟹同埋賴尿蝦都係咁岩俾人攞晒影唔到😂賴尿蝦佢就將頭同尾剪開一半，都係睇返隻蝦有啲肉就好足有啲肉就好少。小食都有啲炸物，粉絲、牛尾自己就冇試 但個蜆就唔錯，有2款蜆。可惜嘅係想食炸饅頭但係冇練奶。跟住就有3款唔同既湯，我冇飲 但打開全部都好香。前菜都有啲沙律，我見到幾多人食。主角就係呢啲，對比要填紙有人攞俾我，我更加喜歡自己去攞，佢加野都好快手，唔會話10點幾就清場冇乜嘢食，雞翼就辣辣地都幾好食唔錯嘅，但係肥牛就有啲難咬，太肥，我覺得最好食就係牛仔骨，牛肉粒都唔錯，朋友就推介豬扒。壽司對比就唔太多人食，自己都食咗幾夠舊口感味道都可以。呢個大福我就唔太鍾意食，食落有少少覺得似食緊擦膠，佢仲有一個芒果糯米飯我覺得唔錯椰汁好夠但係芒果就酸左少少。朱古力噴泉好唔好食就見仁見智，但係勝在夠特別，加水果都唔錯，加棉花糖我就覺得麻麻地。隔離仲有一個棉花糖機，可以自己整，真係好特別我未見過其他出邊有，自己試吓整其實都幾過
前菜都算多款，蟹同埋賴尿蝦都係咁岩俾人攞晒影唔到😂賴尿蝦佢就將頭同尾剪開一半，都係睇返隻蝦有啲肉就好足有啲肉就好少。
小食都有啲炸物，粉絲、牛尾自己就冇試 但個蜆就唔錯，有2款蜆。可惜嘅係想食炸饅頭但係冇練奶。
跟住就有3款唔同既湯，我冇飲 但打開全部都好香。
前菜都有啲沙律，我見到幾多人食。
主角就係呢啲，對比要填紙有人攞俾我，我更加喜歡自己去攞，佢加野都好快手，唔會話10點幾就清場冇乜嘢食，雞翼就辣辣地都幾好食唔錯嘅，但係肥牛就有啲難咬，太肥，我覺得最好食就係牛仔骨，牛肉粒都唔錯，朋友就推介豬扒。
壽司對比就唔太多人食，自己都食咗幾夠舊口感味道都可以。
呢個大福我就唔太鍾意食，食落有少少覺得似食緊擦膠，佢仲有一個芒果糯米飯我覺得唔錯椰汁好夠但係芒果就酸左少少。
朱古力噴泉好唔好食就見仁見智，但係勝在夠特別，加水果都唔錯，加棉花糖我就覺得麻麻地。
隔離仲有一個棉花糖機，可以自己整，真係好特別我未見過其他出邊有，自己試吓整其實都幾過癮，排隊都唔會排好耐，基本上食下野出到嚟又冇乜人。仲有一個軟雪糕機可以自己整，再過啲有個甜品櫃，都不外乎啲奶凍、啫喱、水果。仲有個雪糕櫃有雪條雪糕但選擇唔多就冇影。最後結論今次係我第二次黎食，應該下次都會再嚟，飲品就係任飲嘅，估唔到嘅係佢竟然有coke plus，因為唔係好多地方有。呢個價錢食到呢個質素已經唔錯，食過其他韓燒，價錢就貴少少但係質素真係好一般，但呢間勝在夠平，食物種類都多，前菜小食都幾多下，佢亦都可以$8買Häagen-Dazs雪糕，真心唔錯值得一試！
张贴
