金寶泰國菜館 (已搬遷) 新店位置

原先睇 OpenRice.com 已經話呢度水準下降，不過個仔要食活蝦刺身同炸蝦頭，呢度好似穩陣D。坐低即叫活蝦刺身($70)同炸蝦頭($35)，另外一個雲吞翅($128)，無骨鳳爪加埋咖厘蟹同法飽，應該夠喇！先上活蝦刺身，嘩！得個十隻唔夠，以前多D 架！仲有比以前細左。跟著無骨鳳爪，正！辣得黎又接受到。再上咖厘蟹，死喇，乜唔辣ge ？食落D 肉地應該係急凍，OK，不過因為唔辣，汁配法飽當飯食更非我想像般美味。再黎炸蝦頭上場，無得頂，夠多，夠脆，好快清晒。個翅就麻麻，百幾蚊，個仔話早知叫多兩碟炸蝦頭。個翅好淡，好少翅，唔掂！不過另叫支啤酒 - Singha，好耐無飲，味道好正！建議一試！食完埋單，$476，真係一般抵，唉！盛名所累，係咁架la。走個陣，行過其他細泰菜館，下次都要試下D 細舖。當然，活蝦刺身同炸蝦頭就大舖會隱陣D。