塚田農場 (已結業)

已經第N次幫襯了，環境闊落坐得舒服，每隔一排就會掛住呢度嘅美人鍋，除咗美人鍋之外，呢度嘅雞肉丸都超級出色，放入煲入邊滾3至5分鐘就可以食，佢唔係彈牙嘅感覺，而係有雞肉同軟骨係入邊，好有口感嗰種，雞件都係千祈唔好煮咁耐，一熟就要食，滑滑嫩嫩嘅口感，同埋日本蔬菜，南瓜粟米仔紫蘿蔔青瓜菜類番茄仔，樣樣都好鮮甜，最後加埋炊飯，絕。熟悉必點唐揚海老，又香又脆送酒一流，今次試埋南蠻炸雞同玉子蛋，兩樣都好出色。