影片
更多
2017-08-07
718 浏览
因為就腳同食物質素不俗，所以差唔多每星期都同屋企人喺度飲茶，但唯一唔好嘅地方，就係要同人搭枱，但相對等位時間就唔駛咁耐啦! 因為爸媽都鍾意食煎釀茄子，所以成為必叫項目，魚肉彈牙，加入咗蝦米，食落更香口，而茄子夠厚身夠淋，又唔太油，好味。鮮蝦米網腸係我嘅最愛，因為出面通常都係食到炸両，蝦腸，义燒腸呢啲大路嘢，而呢個米網腸就用米紙包住鮮蝦再炸，然後先包腸粉皮，所以外滑內脆，真係又特別又好味，所以次次嚟都會叫。潮洲蒸粉果亦係我另一必叫之選，因為佢啲粉果皮好煙韌，而餡料係素嚟嘅，主要係沙葛，所以食落好爽甜，好清新，正 ! 义燒包都 ok，唔算太多餡，屬細細個嗰種，食完個胃仲有位食多幾樣嘢。蝦餃普通，皮薄夠煙韌，食到有爽口蝦粒同竹筍粒，但肥豬肉較多，食完有啲膩。馬拉糕我無試，但家人話好鬆軟，又唔係太甜，都係必叫。食咗咁多嘢，每人埋單都唔駛$60，仲要啲食物質素都唔錯，抵食呀
因為爸媽都鍾意食煎釀茄子，所以成為必叫項目，魚肉彈牙，加入咗蝦米，食落更香口，而茄子夠厚身夠淋，又唔太油，好味。
煎釀茄子
$15
43 浏览
0 赞好
0 留言
鮮蝦米網腸係我嘅最愛，因為出面通常都係食到炸両，蝦腸，义燒腸呢啲大路嘢，而呢個米網腸就用米紙包住鮮蝦再炸，然後先包腸粉皮，所以外滑內脆，真係又特別又好味，所以次次嚟都會叫。
鮮蝦米網腸
$24
37 浏览
0 赞好
0 留言
潮洲蒸粉果亦係我另一必叫之選，因為佢啲粉果皮好煙韌，而餡料係素嚟嘅，主要係沙葛，所以食落好爽甜，好清新，正 !
潮州蒸粉果
$15
32 浏览
0 赞好
0 留言
义燒包都 ok，唔算太多餡，屬細細個嗰種，食完個胃仲有位食多幾樣嘢。
蠔汁叉燒包
$21
31 浏览
0 赞好
0 留言
蝦餃普通，皮薄夠煙韌，食到有爽口蝦粒同竹筍粒，但肥豬肉較多，食完有啲膩。
水晶蝦餃王
$27
25 浏览
0 赞好
0 留言
馬拉糕我無試，但家人話好鬆軟，又唔係太甜，都係必叫。
原籠馬拉糕
$15
26 浏览
0 赞好
0 留言
食咗咁多嘢，每人埋單都唔駛$60，仲要啲食物質素都唔錯，抵食呀
张贴
