影片
更多
2008-03-03
9 浏览
我同女朋友係中環上班,經常LUNCH要面對既問題就係,間間餐廳都人多擠逼,要等位....但無奈大部份打工仔,包括我地都只有一小時既食飯時間....盡可能見到有位就入,唔理間餐廳食乜...不過,呢間茶餐廳,我地去親,一定有位,其實呢間冰廳其唔係食物差,服務劣,只係佢地一個字:快,食物上檯快,因為少選擇,人客唔使諗咁耐...所以,唔想諗食乜,去呢間就一定FIT晒大家既口味....一般黎講,冰廳有既午餐,粉麵,連多士同火腿奄列,加個凍飲要36蚊,但中環黎講,價錢係正常的...而且又可以轉做雙腸加雙蛋,肉丁麵係一般大光麵,而且上檯時見到好多鹼水,但食落又唔係真係好差....至少食到肉丁既味道...我已經去過好多次,佢地樓面待應並唔多,但佢地都做得有板有眼,靠既除左係眼明手快外,就係把口,入面樓面既兩位阿姐,洪亮既聲音,每次有ORDER,寫完就咁大聲嗌出黎,水吧,廚房既一定聽到,之後有時間先放番張單落去水吧,廚房度,呢D就係免左走黎走去放單浪費時間既小聰明了....當然,佢地有時埋單計數都會計錯,不過我地係聰明既消費者,我地都會計多次,所以呢D都並唔係咩大問題,而且只係試過一次而已....至於飲
不過,呢間茶餐廳,我地去親,一定有位,其實呢間冰廳其唔係食物差,服務劣,只係佢地一個字:快,食物上檯快,因為少選擇,人客唔使諗咁耐...所以,唔想諗食乜,去呢間就一定FIT晒大家既口味....
一般黎講,冰廳有既午餐,粉麵,連多士同火腿奄列,加個凍飲要36蚊,但中環黎講,價錢係正常的...而且又可以轉做雙腸加雙蛋,肉丁麵係一般大光麵,而且上檯時見到好多鹼水,但食落又唔係真係好差....至少食到肉丁既味道...
我已經去過好多次,佢地樓面待應並唔多,但佢地都做得有板有眼,靠既除左係眼明手快外,就係把口,入面樓面既兩位阿姐,洪亮既聲音,每次有ORDER,寫完就咁大聲嗌出黎,水吧,廚房既一定聽到,之後有時間先放番張單落去水吧,廚房度,呢D就係免左走黎走去放單浪費時間既小聰明了....
當然,佢地有時埋單計數都會計錯,不過我地係聰明既消費者,我地都會計多次,所以呢D都並唔係咩大問題,而且只係試過一次而已....
至於飲品方面,都係離唔開奶茶,檸茶,不過都尚算好飲,未至於冰多過茶,得陣水味個D茶餐廳....
而且多士都非常之好食,厚厚既油多,每次一定會同女朋友SHARE,所以我建議食午餐既人真係要加2蚊轉做多士試一試....
佢地效率快,叫完D食物就好快上檯,所以基本上每檯既人唔使食廿分鐘都可以走人...所以每到一點半之後,就鬆動好多....而且下午茶既時段,仲要係冇人既添!!如果冇咩要求既你/妳,呢度可以話係你地LUNCH頭痛去邊度食飯既好去處!!
而且仲有飯食,25蚊連野飲,係中環黎講的確係好平!!不過只限中午時段,其他時間係冇得食飯的....叉燒蛋飯係我地既首選...
张贴