東方小祇園齋菜

营业中

休息中

買完靚叉燒,順道買d凍糕比大人食。小祇園由媽媽細個已經開始幫襯,自己都買過無數次,今次至第一次寫食評=)芝麻糕:質感軟棉,唔太甜,但芝麻濃度已經無以前咁濃,稀左好多lu,之前真係好黑好多芝麻架,如果下次再稀過今次,相信可以出局。紅豆糕:質量比芝麻糕好,好多紅豆,口感軟軟但有咬口,味道唔係太甜,呢個比較好味!!山楂糕: 今次第一次見到呢款糕,初初仲以為係蔗汁糕添。質感都係軟軟糯糯,味道酸咪咪,而且好多山楂核微粒,口感就無前2者咁滑溜,個人唔太喜歡呢款,試過算數。