影片
更多
2022-05-10
273 浏览
幫襯咗咧間嘢都有10次8次，幫襯咁多次，唔係因為佢好食，純粹係我鍾意食台灣嘢，而附近亦冇其他台式食肆。佢新開冇耐就開始幫襯佢，得意嘅係，就算你每次嗌返相同嘅嘢食，嚟到嘅食物味道質素都唔一樣。開初覺得新開張可能未咁穩定，運作暢順之後應該會好啲…. 真係太天真。講真，我對食物都冇乜要求，只要唔係鹹到揦脷或者甜到涸喉，我都會擺入口，無謂浪費食物。咧間食物嘅質素就係屬於嗰種「都仲食得囉」嘅級別。今日食下午茶，酸菜魚米線+「無糖」珍珠奶茶($64)，先前食過覺得唔錯，所以今日再食。不過個味道又唔同咗，今日個米線好重味，唔知係咪落多咗青花椒定花椒油嗰啲，不過都ok，因為麻、辣我都無問題，就算係油啲，都可以放入口。杯珍珠奶茶(+$12 轉餐飲)，落單講咗要「無糖」嘅，覆單都有覆我「無糖」，但嚟嗰杯應該係「全糖」… 甜到涸喉… 飲咗兩三啖，真係太甜頂唔順，喉嚨好唔舒服。問姐姐攞杯水清喉嚨，然後同佢講杯嘢飲似乎忘記走甜，甜得有啲過份。點知個姐姐笑笑口話啲飲品有時係咁，無糖嘅，斟嘅時候都會泵兩吓糖水落去。咁都得？咩玩法？即係… 我嗌「無糖」嘅嘢飲，都要預咗佢係超甜嘅？都幾風趣… 杯飲品冇問題，有問題係提出
講真，我對食物都冇乜要求，只要唔係鹹到揦脷或者甜到涸喉，我都會擺入口，無謂浪費食物。咧間食物嘅質素就係屬於嗰種「都仲食得囉」嘅級別。
$64
46 浏览
0 赞好
0 留言
今日食下午茶，酸菜魚米線+「無糖」珍珠奶茶($64)，先前食過覺得唔錯，所以今日再食。不過個味道又唔同咗，今日個米線好重味，唔知係咪落多咗青花椒定花椒油嗰啲，不過都ok，因為麻、辣我都無問題，就算係油啲，都可以放入口。
杯珍珠奶茶(+$12 轉餐飲)，落單講咗要「無糖」嘅，覆單都有覆我「無糖」，但嚟嗰杯應該係「全糖」… 甜到涸喉… 飲咗兩三啖，真係太甜頂唔順，喉嚨好唔舒服。問姐姐攞杯水清喉嚨，然後同佢講杯嘢飲似乎忘記走甜，甜得有啲過份。點知個姐姐笑笑口話啲飲品有時係咁，無糖嘅，斟嘅時候都會泵兩吓糖水落去。咁都得？咩玩法？即係… 我嗌「無糖」嘅嘢飲，都要預咗佢係超甜嘅？都幾風趣… 杯飲品冇問題，有問題係提出問題嗰個。
喉嚨太涸，佢比嗰杯水又太滾，飲唔倒，所以都係嗱嗱聲比錢走人，去7仔買支茶灌一灌。
同咗收銀嗰個妹妹講(就算當我西客都要講)，佢話換過杯飲品比我，不過冇咁嘅需要，反正以後都唔會再幫襯，真心嬲咗，太失望。
张贴
