幸福鍋 (已結業)

幫襯過3次。開業無耐食第一次芝士鍋，好味份量亦足夠，但原來少咗南瓜同鵪鶉蛋都唔知，直至第二次幫襯睇餐牌先知！第二次試咗沙茶鍋，味道好濃好夠味，不過成個鍋明顯俾第一次嘅芝士鍋配料少。剛剛可去點返沙茶鍋，鍋裡面少咗米血糕，不過因為本身唔太鍾意食所以無問職員攞返。但係今次嘅薯粉好明顯比起之前少咗3份1，蔬菜亦比之前少同碎，額外叫嘅響鈴亦都無蔬菜墊底。因為每個鍋嘅內容物都會顯示係餐牌上面，餐廳如缺貨有責任同食客交代再用另一樣取替，唔應該當無事發生隻字不提。另外不要因為過咗試業期就將食材大縮水，跟餐嘅薯粉份量只有半碗仔唔太合理。