定食 Doraya (駱克道)

营业中

休息中

之前都係食尖沙咀嘅Doraya,今日過海就嚟呢間食。每次例牌都叫三併魚生飯，一定要叫甜蝦他他、藍鰭吞拿魚腩，另外兩款今次就叫吞拿魚腩蓉同三文魚。另一半就叫炸豬扒定食。我個飯好快到左，先講我最愛甜蝦他他，佢望落去就似打邊爐叫嘅蝦滑，食落非常鮮甜，一份有30g,真係有衝動想叫兩份😍呢度出名藍鰭吞拿魚扒，梗係要叫啦。呢款個面輕輕煎過，一咬落去好香又唔會好漏，雖然得三件，每件都係厚切。至於吞拿魚腩蓉當然冇藍鰭咁香，唔雖特別好味，三文魚係厚切，但係魚味偏淡。另一半嘅吉列豬扒定食就等左十分鐘，塊豬扒應該唔係一塊過，佢兩邊啲肉有啲唔同，就咁睇都睇得出係併出嚟。而啲炸粉唔算厚，但唔係好鬆化。就於唔係專門食炸豬扒，所以佢整得算係咁啦。