沙縣小吃 (已結業)

呢間小店其實唔係咁起眼，門面仲有種china味，唔係同事介紹真係未入會入黎試😆同事高度推介佢個餃子配辣醬汁，不過我之前叫左個餃子拌面就無配醬，但個餃都真係幾好味，拌面個花生醬好香，不過食得多就有d 漏，可能個醬太多太杰。呢間鋪其實都係主打食辣野，可惜我唔食得辣，所以每次黎都係食佢個面。今次試下雲吞面，$33 有成11 粒小雲吞，真係好抵食。雲吞係一口mini size, 雖然只係得豬肉，但非常彈口，個雲吞皮都好薄好滑。個面底我幾鍾意，開頭食帶點煙韌，浸到咁上下又好入味，加埋大量蔥花同芫茜夠晒香。