維景小食 (已結業)

平時大家去開中環5號碼頭都會見到1間賣車仔麵 1間賣魚蛋燒賣既鋪頭。我每次去長洲之前都會係賣魚蛋燒賣個間買粉果上船食。每次差唔多有船既時候間小食店好多人排隊等叫野食。我每次黎都會叫粉果食，呢度粉果唔係特別貴（$12蚊）2粒，粉果唔係周圍都有得食，但呢度比起茶樓既仲好味。個粒粉果皮好Q彈，入面料都幾多，佢地又無蒸太耐，塊皮唔會好似有時茶樓既粉果咁蒸到淋晒無口感。之後仲叫左燒賣都係12蚊呢度燒賣就正常無乜特別驚起，但唔會太難食，起碼有小小魚味。其實最重要呢間店係方便返坐船個時肚餓無野食，都唔錯