CHiLL-i (已結業)

明明係旺區，又唔想叫佢隱世，但又真係少人知同少人食。平日夜晚食都係得2台客，但食物出品真係相當唔錯，值得encore!🫶🏻菠蘿肉眼串燒 4串熱到出煙，要小心粒爆汁車厘茄。肉眼燒完都唔會un，夾埋菠蘿食，好正。🫶🏻香煎盲曹魚柳 意大利茄醬燴菜 薯仔沙律是日MVP！首先擺盤已經靚，睇得出好用心。個魚肉滑之外，好鐘意個調味，平時好怕魚會腥或者無咩味，呢碟唔會，側邊仲有啲honey mustard可以點。薯仔沙律同意大利茄醬燴菜都係一流。好推薦🫶🏻法國野生珠雞 羅馬菜 凱撒醬第一次食珠雞，原來有啲似竹絲雞。雞肉保持到嫩滑，亦都夠入味。最搞笑係下面條羅馬生菜，有輕輕燒過，又幾夾。🫶🏻熱情仲夏有熱情果我就愛，呢杯唔會太甜，加上有soda，夠爽。🫶🏻Ice Mocha咖啡味同朱古力味都幾平衡，但有cream，飲曬都有啲膩。店員係位叔叔，好有禮貌，唔該前唔該後。同層有2間人氣好高嘅餐廳，生意應該都唔易做，食完之後好想幫佢推廣下。