I-thai (已結業)

為食妹今日同朋友慶祝生日，我地一行六人選擇試吓呢間咁高評價既泰國菜＂I-thai"。因為星期六既關係，我已預先打電話留位，去到就唔駛要朋友等啦！待應姐姐帶我地到近落地玻璃窗位置，呢度環境開揚，氣氛好好，燈光柔和（我好怕食飯既地方Ｄ燈太光，好似去茶餐廳咁）。我地點咗個信用卡優惠套餐及單點，有＂冬陰公湯、馬拉盞炒芥蘭、海南雞、腰果牛肉粒、燒豬頸肉蝦餅拼盤、沙嗲串燒、蝦沙律、米紙卷＂，另飲品買一送一。～冬陰公湯～橙黃色既湯中，用料很豐富，味道好好。～馬拉盞炒芥蘭～芥蘭炒得很爽脆，不太油膩。～海南雞～雞皮色澤油潤，肉質很有口感，很滑，唔鞋。～腰果牛肉粒～腰果脆卜卜，牛肉好腍。～燒豬頸肉蝦餅拼盤～豬頸肉燒得剛剛好（平時去其他餐廳一係燒得好乾，一係就油笠笠），蝦餅好彈牙。～沙嗲串燒～雞肉同豬肉串都好味，無試牛肉，唔知好唔好味呢？～蝦沙律～呢個用咗中蝦同柚肉既沙律，雖然有少少辣，酸酸甜甜咁，但成個沙律都好match！～米紙卷（唔記得佢正確叫咩卷喇）～呢樣係唯一有剩嘅，因為個卷卷少少味都無，要靠晒雞醬先得，個個都無興趣！總體評價：環境舒適、服務一流、價錢合理、食物有水準，下次會再去試其他菜式。