老街 (西洋菜南街) (已結業)

今日接男朋友收工，見時間仲早，就去食個Tea先，甘岩路過見到呢個店，就入去試下啦。。。因為我覺得餐牌，裝修都好特別，好有懷舊既感覺喔。。茶餐係點一個主菜加3種小食同飲品。。麻醬拌麵：好香既麻醬味，加左小小青瓜絲。麵底係凍食，麵都好q吾淋！肉燥拌麵:就係涼麵加肉燥，肉燥好入味吾咸。平時食肉燥飯多，今次係麵都好夾！好味台灣腸，豆腐，鹽酥雞:我一向好中意食台灣腸，好似臘腸甘，食到一粒粒既肉！口感好特別好食！豆腐好滑，粉漿薄薄一層吾會太厚。雞就吾夠滑，一粒雞胸肉去炸甘，吾好食。炸甘薯，豬耳，牛肚絲甘薯加上話梅粉，薯仔🍠炸到好淋身但我吾中意話梅粉味道。豬耳好入味，脆卜卜。牛肚絲好辣，切到好幼，一樣醃得好入味！呢間食物價錢吾貴，又可以一次過試到幾種小食。岩哂下午茶每樣都可以試小小。又可以食下台灣味，幾好。