影片
更多
2021-09-04
57 浏览
最近留意香港嘅新加坡海南雞餐廳，搵到呢間同K11 嗰間，琴晚食咗K11嗰間覺得唔係好滿意，所以忍唔住星期六嚟呢間比較下。今日lunch 兩點左右先到，所以唔洗等位，有卡位坐，幾舒服。我哋兩個叫咗中份海南雞，細嘅油飯，黑松露蝦多士，肉骨茶，黑松露小籠包，水果茶，同埋豆花。最先到係海南雞同飯，比較返琴日嗰間，天天啲雞嘅雞皮真係好薄，係冇乜肥，但個肉一啲都唔鞋，我覺得K11嗰間係更嫩，不過個雞皮好厚，同味道反而冇天天咁好。到個油飯，雖然係一至二人份，其實勁大兜，有成四碗飯，差啲食唔晒，個油飯非常好食，夠味之餘飯係真係粒粒分明，同係有少少糯有咬口，比起k11嗰間又係好食啲。之後嚟蝦多士，有三件，蝦味幾濃，唔錯。跟住到肉骨茶，好大兜，有四大條骨好厚肉，有啲豆卜腐竹豬肚咁，湯係胡椒味但又唔算好勁，都幾好。黑松露小籠包就反而比較普通，賣相靚但有一隻穿咗，不過另一隻都唔算多湯汁，但調味係好。水果茶只係叫咗一杯兩個人飲，因為係超大杯，好多生果，非常唔錯。最後忍唔住試埋豆花，好似其他人講似係凝固咗嘅低糖豆漿咁，都幾好。最後兩個人食咗成六百幾蚊，但飽到捧住個肚走，佢價錢係貴少少，但個份量其實都幾多，環境又好
今日lunch 兩點左右先到，所以唔洗等位，有卡位坐，幾舒服。
我哋兩個叫咗中份海南雞，細嘅油飯，黑松露蝦多士，肉骨茶，黑松露小籠包，水果茶，同埋豆花。
最先到係海南雞同飯，比較返琴日嗰間，天天啲雞嘅雞皮真係好薄，係冇乜肥，但個肉一啲都唔鞋，我覺得K11嗰間係更嫩，不過個雞皮好厚，同味道反而冇天天咁好。到個油飯，雖然係一至二人份，其實勁大兜，有成四碗飯，差啲食唔晒，個油飯非常好食，夠味之餘飯係真係粒粒分明，同係有少少糯有咬口，比起k11嗰間又係好食啲。
之後嚟蝦多士，有三件，蝦味幾濃，唔錯。
跟住到肉骨茶，好大兜，有四大條骨好厚肉，有啲豆卜腐竹豬肚咁，湯係胡椒味但又唔算好勁，都幾好。
黑松露小籠包就反而比較普通，賣相靚但有一隻穿咗，不過另一隻都唔算多湯汁，但調味係好。
水果茶只係叫咗一杯兩個人飲，因為係超大杯，好多生果，非常唔錯。
最後忍唔住試埋豆花，好似其他人講似係凝固咗嘅低糖豆漿咁，都幾好。
最後兩個人食咗成六百幾蚊，但飽到捧住個肚走，佢價錢係貴少少，但個份量其實都幾多，環境又好坐服務都幾好，侍應好有禮貌，應該會再嚟食。
1 浏览
0 赞好
0 留言
6 浏览
0 赞好
0 留言
5 浏览
0 赞好
0 留言
1 浏览
0 赞好
0 留言
6 浏览
0 赞好
0 留言
8 浏览
0 赞好
0 留言
11 浏览
0 赞好
0 留言
张贴
