影片
更多
2022-10-21
86 浏览
呢度嘅裝修簡約得嚟充滿日系氛圍，嘢食勁高質勁正，仲要可以望住個百萬夜景，成餐飯勁Chill勁舒服！-火炙三文魚壽司卷-個三文魚勁新鮮，個火炙只係輕輕燒到片三文魚有火炙香味，啲魚肉仲係好鮮好嫩滑，細細舊食完仲好想再食！-三文魚牛油果美人卷-呢個真係一定一定一定要試！佢嘅賣相好似越南嘅春卷咁，而佢又真係用咗米紙皮嚟包住啲餡料，但我萬萬都估唔到一放入口係咁驚喜！以為裡面嘅主角係嫩滑嘅三文魚同牛油果啦，點解原來仲有舊超香濃嘅芝士！！！！！芝士唔單止冇搶走三文魚嘅鮮味、牛油果嘅香味，反而仲好似提升咗成個卷物，味蕾分得清三種食材嘅獨有香氣，完全冇炒埋一碟，超勁好味！-三文魚親子鹽昆布炒飯-一上枱就由侍應幫我哋撈勻蛋同飯，因為係用小鐵穫裝住，所以keep住啲飯都仲係好熱好正！飯入面仲藏有好多三文魚籽，咸咸哋嘅昆布加埋鮮味十足嘅三文魚籽，食落真係幾惹味！-薑啤-估唔到咁大杯！通常去親食飯如果有薑啤，我都一定會嗌，呢度嘅薑啤正正常常，同平時飲開嘅分別不大，幾解渴。-熱柚子茶-呢個真係唔讚唔得，柚子茶呢啲基本嘢嚟架咋嘛但居然好味到咁都有嘅？柚子蜜同個茶係分開嘅，茶係清香嘅茉莉花茶，齋飲都已經好香，加埋甜甜
呢度嘅裝修簡約得嚟充滿日系氛圍，
嘢食勁高質勁正，
仲要可以望住個百萬夜景，
成餐飯勁Chill勁舒服！
-火炙三文魚壽司卷-
個三文魚勁新鮮，
個火炙只係輕輕燒到片三文魚有火炙香味，
啲魚肉仲係好鮮好嫩滑，
細細舊食完仲好想再食！
-三文魚牛油果美人卷-
呢個真係一定一定一定要試！
佢嘅賣相好似越南嘅春卷咁，
而佢又真係用咗米紙皮嚟包住啲餡料，
但我萬萬都估唔到一放入口係咁驚喜！
以為裡面嘅主角係嫩滑嘅三文魚同牛油果啦，
點解原來仲有舊超香濃嘅芝士！！！！！
芝士唔單止冇搶走三文魚嘅鮮味、牛油果嘅香味，
反而仲好似提升咗成個卷物，
味蕾分得清三種食材嘅獨有香氣，
完全冇炒埋一碟，
超勁好味！
-三文魚親子鹽昆布炒飯-
一上枱就由侍應幫我哋撈勻蛋同飯，
因為係用小鐵穫裝住，
所以keep住啲飯都仲係好熱好正！
飯入面仲藏有好多三文魚籽，
咸咸哋嘅昆布加埋鮮味十足嘅三文魚籽，
食落真係幾惹味！
-薑啤-
估唔到咁大杯！
通常去親食飯如果有薑啤，
我都一定會嗌，
呢度嘅薑啤正正常常，
同平時飲開嘅分別不大，
幾解渴。
-熱柚子茶-
呢個真係唔讚唔得，
柚子茶呢啲基本嘢嚟架咋嘛
但居然好味到咁都有嘅？
柚子蜜同個茶係分開嘅，
茶係清香嘅茉莉花茶，
齋飲都已經好香，
加埋甜甜哋嘅柚子蜜真係勁好飲，
仲要可以請侍應加茶！
飲住呢杯令人咁Relax嘅柚子茶，
望住呢個夜景，
真係好正好舒服！
张贴
