影片
更多
2022-07-08
90 浏览
【Background】自從帶咗老媽子黎「小漁港」食海鮮粥，佢似乎是上咗癮😂每隔一兩個星期，就會軟磨硬泡咁催促我去book枱，終於受不住佢嘅摧殘，放假時帶佢再來回味🤣────────────────────【是日廚師精選套餐 $298/位】按照老規矩，我哋揀咗二人抵食套餐。每位$298就有齊多款海鮮，刺身，時蔬，主食及海鮮粥。逢週一至週四，套餐埋單價免加一，茶芥及小食添！Book枱時大家記得注意啦～.【刺身】開始前先上一盤刺身拼盤，有三文魚，帶子，希靈魚同北寄貝😘估唔到款款刺身嘅新鮮度都好高，勁高質！特別係三文魚，帶子，入口鮮甜.【避風塘鮮魷 $68】大排檔級數嘅避風塘鮮魷，即叫即製，熱辣辣上枱。超薄炸粉包住鮮魷，外脆內嫩，Q彈帶嚼勁，加上炸蒜既加持，味道香辣，好惹味！.【原隻龍蝦】原隻龍蝦切半，店員先將龍蝦頭放落粥底，再繼續蒸煮龍蝦，龍蝦肉上鋪滿蒜粒，數分鐘後便食得。雪白的龍蝦肉極之鮮嫩，味道鮮甜配上粒粒蒜蓉香，亦可食到龍蝦嘅鮮味而不失層次感.【鮑魚/扇貝/馬友/海蝦】鮑魚：好似拳頭般咁大隻，肉質彈牙帶咬勁扇貝：加上粉絲同蒜粒，粉絲吸收蒜香同扇貝嘅精華，如此配搭真係Perfect馬友
自從帶咗老媽子黎「小漁港」食海鮮粥，佢似乎是上咗癮😂每隔一兩個星期，就會軟磨硬泡咁催促我去book枱，終於受不住佢嘅摧殘，放假時帶佢再來回味🤣
────────────────────
【是日廚師精選套餐 $298/位】
按照老規矩，我哋揀咗二人抵食套餐。每位$298就有齊多款海鮮，刺身，時蔬，主食及海鮮粥。逢週一至週四，套餐埋單價免加一，茶芥及小食添！Book枱時大家記得注意啦～
.
【刺身】
開始前先上一盤刺身拼盤，有三文魚，帶子，希靈魚同北寄貝😘估唔到款款刺身嘅新鮮度都好高，勁高質！特別係三文魚，帶子，入口鮮甜
.
【避風塘鮮魷 $68】
大排檔級數嘅避風塘鮮魷，即叫即製，熱辣辣上枱。超薄炸粉包住鮮魷，外脆內嫩，Q彈帶嚼勁，加上炸蒜既加持，味道香辣，好惹味！
.
【原隻龍蝦】
原隻龍蝦切半，店員先將龍蝦頭放落粥底，再繼續蒸煮龍蝦，龍蝦肉上鋪滿蒜粒，數分鐘後便食得。雪白的龍蝦肉極之鮮嫩，味道鮮甜配上粒粒蒜蓉香，亦可食到龍蝦嘅鮮味而不失層次感
.
【鮑魚/扇貝/馬友/海蝦】
鮑魚：好似拳頭般咁大隻，肉質彈牙帶咬勁
扇貝：加上粉絲同蒜粒，粉絲吸收蒜香同扇貝嘅精華，如此配搭真係Perfect
馬友：肉質細膩軟滑
海蝦：肉厚鮮嫩，咬落好彈牙
.
【生蠔/沙白/蜆】
蒸生蠔完全不減生蠔嘅甜美，入口滑溜，鮮味濃😍
沙白/蜆：啖啖肉，肉嫩而無沙
.
【烏冬/時蔬】
最後一層有蟲草花烏冬，紫薯，甜薯，甜粟，南瓜，乾蝦絲瓜。最愛的就係蟲草花烏冬，滋補之餘，盡吸蟲草花，雞件同荷葉嘅精華，好入味，即使已經好飽，都堅持清哂佢🤣
.
【海鮮粥】
最後嘅重頭戲當然就係海鮮粥啦🙊 先均勻咁攪拌下，會見到入面有好多瑤柱同排骨，加上吸收哂海鮮滴出黎嘅精華，鮮香味突出，啖啖口感綿密😘
.
【甜品】
臨買單前，仲會贈送每人一個黑糖紅豆糕，入口煙韌，為今餐畫上完美句號
.
【甘蔗汁/咸柑桔 $18/樽】
张贴
