石磨樂豆

营业中

休息中

終於輪到我食石磨樂豆啦!!🥰話說最近見屋企樓下開左 但成日都勁多人買🤩今次終於的起心肝排隊買黎試吓🫶🏻原來佢哋有勁多款產品 本身以為淨係得甜品呢!仲有熱飲 台式爆餡吐司等等 款式都唔少 而且店家仲會間唔中出季節限定款 遇到想食嘅記得快啲食啦😋店家主打健康輕食 加上原材料都用上嚴選A級加拿大黃豆 每日都即磨鮮製🤩今次我就叫咗芋泥肉鬆吐司 芋泥非常之綿密 肉鬆帶少少鹹 令到成個吐司食晒都唔會膩😍配埋秋冬必備嘅熱飲 好立克豆乳😚一啲都唔會好甜 係充滿好立克同豆乳香 飲落非常順滑👍🏻.最後當然唔少得三色芋圓西米露同埋奶蓋芋圓小丸子啦🙌🏻佢哋嘅芋圓好煙靭 算係近期食過唔錯嘅甜品😽呢間一定會有下次!