一芳台灣水果茶 (新城市廣場一期)

去沙田新城市七樓食完晚餐，醒手起係喎，沙田好似有一芳，一芳好似有黑糖珍珠奶茶，決定快快食完飯來買黑糖奶茶。
來到門口，見到一芳黑糖珍珠奶茶每日限一百杯😮，而且門口貼住個售罄。好失望。店員聽到同男友講「無晒黑糖呀，賣晒喇！」，店員急急住澄清話「仲有少少」；
我即刻雙眼發光，買！
黑糖珍珠有鮮奶又或者奶茶，男友揀左奶茶。
攞到杯奶茶後，男友想即刻唧穿杯野，好彩來得切阻止佢，我話要搖勻先呀！
搖勻左後，一飲，哇黑糖味呀，哦～原來係咁既感覺。
今次真係純粹出於好奇，究竟咁紅既黑糖奶茶係點架呢。今日試左滿足左好奇心，我諗我唔會再試喇。
不過杯野真係貴，成33蚊杯😫