雲貴風正宗雲南米線

基本上每個禮拜六/日晏晝諗唔倒食咩， 就會出元朗食雲貴風， 唔係因為佢特別好食，只不過係佢唔係特別難食。

今日都係按照我平時嘅慣例，叫咗個涼拌米線中辣配辣腩肉同埋豬腸加杯凍檸茶少甜少冰。

涼拌米線加辣腩肉同埋豬腸再加多杯凍檸茶少甜少冰

$43

呢度有個唔好處就係佢嘅辣度每次都有啲唔同， 第一次嚟食嘅時候叫中辣， 第二次嚟嘅時候都係叫咗中辣，但係竟然辣到我食到出曬汗， 所以唔係好食得辣嘅，我會建議叫小辣試下先， 唔夠辣先再加辣。

撇除佢嘅辣度問題， 佢嘅米線同埋配料都唔錯嘅， 米線嘅軟硬度適中， 有少少彈牙， 配料我會推薦佢嘅辣腩肉， 如果唔食得辣嘅話，佢啲腩肉都有唔辣可以選擇， 不過個味道就會有少少唔同， 如果揀拌米線嘅話仲會有埋炸醬。

一個麵兩個餸再加多杯凍飲都係43蚊。