小曼谷泰國美食 (南角道)

营业中

休息中

平時我諗唔到食咩又想食好d既話，我第一時間就會過黎九龍城食小曼谷，因為好簡單，而家去九龍城真係好方便，地鐵站一出就到，同埋小曼谷真係永遠幾時去食都會keep到水準，所以一個月食一次都唔會嫌多。今晚叫左半隻招牌海南雞，想講既係佢個份量其實好多，半隻都等於其他鋪頭一隻咁滯，雞肉好juicy又嫩滑，皮又薄唔會太肥，再加埋小小辣汁一齊食真係抵食又好食。之後叫左個泰式干炒豬肉片河又係好正，河粉炒得夠乾唔會太油，同埋d河粉唔會痴埋一舊舊，每一條都好夠味，豬肉片同埋芥蘭份量都唔少又好味，值得一試。最後叫左個細冬蔭公湯，真係好惹味，仲有兩隻大蝦，蝦肉彈牙又入味，真係會飲到停唔到口。