家居坊 (已結業)

服務極差,上菜速度超慢,叫咗六個餐,等咗成八個字仲有兩個餐未到,個阿叔先同我哋講之前要既嘢賣晒,叫我哋改第樣,問佢改豬扒要幾耐,佢竟然話:你鍾意啦!真係啤一聲,到改咗嘢食,個阿叔又好神奇咁話之前叫既野有番,師傅宜家即刻整俾你,點知都要再等兩三個字,等既期間阿叔問駛唔駛再加d湯黎飲,我哋話唔駛,問佢有冇飲品送,佢就做咗快閃黨,走都走唔切,假到爆,成間嘢既服務質素真係每況愈下,食物質素又唔係好,咁樣做生意,呢間嘢應該好快會係中環消失,有得揀既話,我會俾十個喊面