影片
更多
2017-10-17
54 浏览
平時見到朋友post Facebook推介旺角呢一間酒吧餐廳《吃吧》，當然今次就約埋三五知己上去試吓啦。座位都有高枱同埋窗口位等等選擇，餐廳仲播放着至潮嘅音樂，而餐牌都有多款唔同種類嘅食物選擇，忍唔住要叫番杯嘢飲試吓先。我就揀咗杯凍嘅「曲奇朱古力奶昔」，賣相好吸引而且好大杯，好有份量，面頭除咗有cream之外，仲有三條朱古力脆條同埋一大塊Oreo，飲落去非常濃郁嘅曲奇朱古力味道，消暑又解渴。而我朋友就叫咗「Lindemans Pecheresse」，我飲左一啖試吓都好易入口，好特別嘅味道。小食「黑松露·煙火腿·芝士多士」，第一次食用黑松露製成嘅烘多士，全黑色的，外脆內軟嘅口感好滋味，而且黑松露味道非常濃郁，再配以入面入口即溶嘅芝士醬同埋煙肉碎，好Match。主菜我哋叫咗「慢煮牛柳」同埋「蘋果木煙薫西班牙豬扒」，驟眼睇都覺得非常吸引，於是我哋兩個一齊share食。「慢煮牛柳」經過特別炮製慢煮而成，牛柳上面有一點泡泡，配以半個炸好咗嘅完整蒜頭以及薯蓉、蘆筍條等等，非常豐富，食落去肉質鮮嫩，口感爽滑，一啲都唔靭，正。另外「蘋果木煙薫西班牙豬扒」切成一條條堆砌成，底下仲有一堆紫薯，面頭仲有蕃茄
平時見到朋友post Facebook推介旺角呢一間酒吧餐廳《吃吧》，當然今次就約埋三五知己上去試吓啦。
座位都有高枱同埋窗口位等等選擇，餐廳仲播放着至潮嘅音樂，而餐牌都有多款唔同種類嘅食物選擇，忍唔住要叫番杯嘢飲試吓先。
我就揀咗杯凍嘅「曲奇朱古力奶昔」，賣相好吸引而且好大杯，好有份量，面頭除咗有cream之外，仲有三條朱古力脆條同埋一大塊Oreo，飲落去非常濃郁嘅曲奇朱古力味道，消暑又解渴。
而我朋友就叫咗「Lindemans Pecheresse」，我飲左一啖試吓都好易入口，好特別嘅味道。
小食「黑松露·煙火腿·芝士多士」，第一次食用黑松露製成嘅烘多士，全黑色的，外脆內軟嘅口感好滋味，而且黑松露味道非常濃郁，再配以入面入口即溶嘅芝士醬同埋煙肉碎，好Match。主菜我哋叫咗「慢煮牛柳」同埋「蘋果木煙薫西班牙豬扒」，驟眼睇都覺得非常吸引，於是我哋兩個一齊share食。
「慢煮牛柳」經過特別炮製慢煮而成，牛柳上面有一點泡泡，配以半個炸好咗嘅完整蒜頭以及薯蓉、蘆筍條等等，非常豐富，食落去肉質鮮嫩，口感爽滑，一啲都唔靭，正。
另外「蘋果木煙薫西班牙豬扒」切成一條條堆砌成，底下仲有一堆紫薯，面頭仲有蕃茄粒、香草同埋黑胡椒粒為點綴，豬扒中間呈現粉紅色，但係絕對完全熟透，食落去口感爽滑，非常新鮮嘅豬肉味道，一定要試。
最後埋單都只係六百幾蚊，環境舒適，下次一定再相約三五知己飲杯嘢食個飯relax一下，絕對係吃飯談心嘅好地方。
张贴
