糧友パン工房 (已結業)

糧友既包雖然唔係平，但性價比真係高，你比得個個價，佢比返足咁多料比你！係抵讚既！呢個合桃包都唔例外。總係覺得家庭size既包係比較抵食d，所以就揀左呢個。因為夜左去，可以揀既唔多，今次淨係想食呢個。包已經切好而且封好一個個。呢個合桃包，原來除左合桃仲有迷你提子乾，白芝麻，亞麻子同埋南瓜子。一個包有齊唔同口感，有合桃既脆，提子既濕潤，而且芝麻，亞麻子同南瓜子香。仲要唔係淨係中間先有料，我冇誇張，係真係啖啖都可以食到中間既料。