老鍋台式火鍋 (京都廣場) (已結業)

適逢母親節，緊係要吃健康又養生的火鍋。近日在社交媒體上發現，母親節黎到老鍋與母親合照打卡Check in ，就送美人鍋，立即訂位同阿媽慶祝。我就揀左旗艦店京都廣場，地方大又舒適而且食物的種類都相當豐富。可以一半美人鍋或酸菜白肉鍋，兩者味道各有千秋，前者養生又養顔，後者則開胃又美味。鹽酥一口豆腐份量其多，而且炸得香脆可口，以小食來説值得一試令人回味無窮。另外丸類或餃類更見出色，每粒丸都彈牙而有嚼勁完全吃得出人手製作。餃類方面，皮薄饀靚非常美味。打邊爐又點少得牛肉，雪花肥牛其紋理分明亦帶有薄身，味道肉味濃郁，肉質持久而回韻。另外亦單點不少海鮮，母親節希望媽媽日日都笑呵呵，灼大蝦就最好不過。另外更有蟹、大蜆、蚌等，鮮味十足。