殿 大喜屋

营业中

休息中

今次去咗尖沙咀食放題，呢到有榴蓮迷最愛嘅榴槤任食，好似我咁唔鍾意食榴槤都唔緊要，仲有拖羅任食，係咪聽到都流曬口水呢！刺身除咗拖羅，個有帶子、三文魚、油甘魚、松葉蟹腳、赤貝、象拔蚌、海赤蝦和甜蝦等等，食一轉已經回曬本喇！壽司款式都好多選擇，最吸引到我嘅就係和牛壽司。而熟食亦好多元化，包括有避風塘炒蟹、燒蠔、燒牛舌、花雕鮑魚、清酒煮蜆、鵝肝多士、燒乳鴿、醉鮑魚、一品花膠等等，水準都一流。自助區有各款飲品，包括冷泡茶、珍珠奶茶、果汁、汽水同啤酒。仲有沙律、海鮮、熟食、甜品、雪糕等等，最特別就係有新鮮嘅榴槤蓉，真係好邪惡啊！最後食返個木瓜燉雪燕同Häagen-Dazs做今餐嘅完結，真係飽到捧住個肚走。