影片
更多
2017-12-14
358 浏览
大喜屋同極尚大喜屋我都食過幾次了，唯獨殿‧大喜屋沒試過，朋友提議搵一晚去試下，今晚決定黎試試。殿‧大喜屋地理位置都算方便，位於The One 其中一個門口對面，我同朋友Book左8:45，大約8:30已經出現左一條長人龍。客人坐既位超級舒服，比起極尚大喜屋，雖然係同一個集團，但殿‧大喜屋真係坐得好舒服，起碼唔會張枱唔夠位放食物先啦，可以安安樂樂慢慢食。我同朋友一坐底就立即點野食，跟住就再出去睇下熟食同飲品，聽朋友講殿‧大喜屋既熟食係好唔錯，有出面BUFFET level。飲品櫃選擇算多，多種韓國飲品同比較多人選擇既飲品呢到都有，最令我驚喜既係竟然有韓國果隻提子飲品，我平時想飲都係去韓國街買，價錢大概$10，所以呢到有得飲真係好意外，呢款提子飲品特別之處係內有真提子。至於熟食，選擇都唔小，個人覺得最吸引係條魚，我同朋友都覺得魚肉好滑，汁甜得黎好味，正！我同朋友太多野想試，所以份量都唔係叫得多，見其他枱都叫好多刺身，會有大船或者大盤，我地得隻碗哈哈，不過刺身新鮮，極推介帶子、三文魚同希靈魚，帶子陣味唔膠，已經好難得，三文魚肥美，最令我開心係食到希靈魚，係街搵到希靈魚食絕對唔係易事，仲要識到
客人坐既位超級舒服，比起極尚大喜屋，雖然係同一個集團，但殿‧大喜屋真係坐得好舒服，起碼唔會張枱唔夠位放食物先啦，可以安安樂樂慢慢食。我同朋友一坐底就立即點野食，跟住就再出去睇下熟食同飲品，聽朋友講殿‧大喜屋既熟食係好唔錯，有出面BUFFET level。
飲品櫃選擇算多，多種韓國飲品同比較多人選擇既飲品呢到都有，最令我驚喜既係竟然有韓國果隻提子飲品，我平時想飲都係去韓國街買，價錢大概$10，所以呢到有得飲真係好意外，呢款提子飲品特別之處係內有真提子。至於熟食，選擇都唔小，個人覺得最吸引係條魚，我同朋友都覺得魚肉好滑，汁甜得黎好味，正！
我同朋友太多野想試，所以份量都唔係叫得多，見其他枱都叫好多刺身，會有大船或者大盤，我地得隻碗哈哈，不過刺身新鮮，極推介帶子、三文魚同希靈魚，帶子陣味唔膠，已經好難得，三文魚肥美，最令我開心係食到希靈魚，係街搵到希靈魚食絕對唔係易事，仲要識到唔腥既希靈魚，真係人生一大樂事！
牛柳粒同燒和牛都值得推介，牛味重，我同朋友都覺得好好味，其次係要提大家一定要點和牛個醬，唔點醬既話只會單純得好重既牛味，但點左醬係真係另一個層次，好好味。
燒菠蘿燒饅魚我覺得都值得推介，菠蘿燒得岩岩好唔會話好乾，饅魚汁好味，整個晚上最鍾意食係玉子燒哈哈，不過本身已經太鍾意食玉子既我 覺得不論芝士定係明太子，兩款都好好味，一定要叫玉子燒呀!!!!
跟住有幾款sushi都覺得唔錯，我同朋友一開始都係叫小小試下先，點知(相入面有) 全部都好好味，所以我地都有encore，至於炸物就芝麻雞翼一向係穩陣加好食，所以都有點。
甜品櫃同水果櫃還可以，勝在款式多，水果可以消消滯，不過最忍唔住都係瘋狂食佢既任食雪糕，有哈根大師同Milk top，呢晚Milk top係海鹽味，好正！可惜movenpick比人拎哂，但唔緊要，好彩有Milk top，真係好正！
张贴
