Studio Caffeine (和富道) (已結業)

以前朋友住係火炭，每次都買Studio Coffeine既咖啡再上去朋友屋企。原來已經係北角開埋分店。北角分店面積更大，傢俬主要係木製，加上瓷磚裝飾營造出一個和諧嘅氛圍。店內提供非常多既咖啡選擇，職員將咖啡豆嘅資料寫晒喺牆上面，一目了然！- 青醬沙白蜆幼扁麵擺盤十足一朵花，沙白蜆至少有十粒，肉質肥厚，味道本身比較淡，配上香濃既青醬就啱啱好。- 咖啡拖肥窩夫波波第一次食波波形狀既窩夫，下面有焦糖香蕉，加上蜜糖脆片，真係超級好味😋- Creamy Black 其實係americano，不過blend左所以有一層泡沫，令口感幾綿密，而且感覺咖啡味變得無咁強烈。整體而言，甜品最令人印象深刻，食物同飲品都唔錯，環境非常舒服。