蝦麵店 (蘭杜街) (已搬遷) 新店位置

灣仔呢間蝦麵店，可以話歷史悠久，我十幾年前係PP返工時成日lunchtime黎食，佢哋個蝦麵個時已好出名，今次黎回味一下。首先叫咗個鷄沙嗲，連埋個醬好好味，唔辣，鷄肉軟熟。以前未食過呢度肉骨茶，有意外驚喜，個骨多肉，肉好淋，好入口，值得encore。另外叫咗兩碗麵，朋友唔食得辣，所以叫咗個豬骨湯底墨魚魚片麵，仲有蛋同豆腐，望下成碗麵鋪滿餸好足料，絕對抵食。我食得辣嘅，當然叫招牌菜辣味蝦湯底，又係好足料，個湯好惹味，夏天食好開胃。