東莞佬粥店

营业中

休息中

今日約咗班朋友上深圳行街街，約咗大家喺上水先集合再乘過境巴士一同過關，我個人習慣準時，今日又太過份預早咗成粒鐘，記起上水新街市有間粥店，我所講嘅新街市即係而家嘅石湖墟街市。東莞佬粥店細細個已經食佢，見佢有優惠套餐當然叫啦～豬什粥粥底綿綿，豬什係全部切絲份量不少，粥面放了炸花生及牛脷酥絲增加層次，略嫌蔥花太少得幾粒，我比較鐘意多蔥會香啲。豉油王炒麵炒得幾好，大大碟味道適中，加甜醬芝麻食無得頂。菊花茶係送的，應該都是用菊花精沖調，糖水般。