武士拉麵 (已結業)

今晚去咗佐敦嘅武士拉麵，老闆唔講都唔知，原來呢一間拉麵店已經經營左接近八年，仲攞過三年第一名。今晚試豊臣將軍拉麵，四国香蔥油渴底，份外香濃。豬骨湯係拉麵嘅靈魂，呢度嘅湯唔係直接用水喉水，係用濾水器， 加入豬骨煲至少八個鐘，攪拌到迫出肉汁，令湯底更香濃入味。而拉麵係揀厚身嘅，先過冷河，令拉麵質地更煙銀。日本叉燒喺處理過程之中會用火槍燒兩分鐘，迫出多餘油份，更能鎖住肉汁。再加一隻半生熟嘅溫泉蛋，同大量嘅蔥花，令成個日本拉麵晚餐嘅體驗更加完整。