影片
更多
2014-09-17
730 浏览
武士拉麵，值得再食 星期六同男朋友一齊去尖咀行街，行得有D肚餓又想食拉麵，睇Openrice 見都幾新未試過就試下食啦！門口出面其實唔講都真係唔覺有間鋪頭係到，因為得塊白色武士巾掛係玻璃門，門口好窄好細，好容易錯過。唔認真望都未必留意到間鋪。入到店內，幾位廚師同１位侍應都有用日語歡迎我地！鋪頭比較細，得幾個位，入到去岩岩好有２個位，如果唔係我諗要等位。點餐方面，有張點餐紙自己選擇自己鍾意食既味道同拉麵喜好。每位客人跟一張紙。有幾款拉麵而我地就分別叫左織田將軍拉麵同德川將軍拉麵！店門有武士公仔，唔知大家對呢兩位將軍既歷史又熟唔熟識呢？以前都睇過日本史同日本動畫，知道呢兩位都係好出名厲害既日本戰國人物。好奇食完呢個麵之後，搵左Ｄ有關呢兩位將軍既故事，織田將軍有個綽號叫做第六天魔王，有無人又知點解呢？拉麵湯底，湯都幾香濃但唔算膩，幾好飲既湯底。大家可以自己選擇口味。麵身方面可以選自己鍾意食既軟硬度。仲可以加配菜添，溫泉蛋係玻璃碗仔另上。溫泉蛋配菜價錢為$10。蛋面上有香蔥係面，因為唔係我食，所以都唔知味道係點，但係男朋友話，都幾有蛋味 ，（不要打我XDD)食完之後，大廚（啡色頭髮
星期六同男朋友一齊去尖咀行街，行得有D肚餓又想食拉麵，睇Openrice 見都幾新未試過就試下食啦！
門口出面其實唔講都真係唔覺有間鋪頭係到，因為得塊白色武士巾掛係玻璃門，門口好窄好細，好容易錯過。唔認真望都未必留意到間鋪。
入到店內，幾位廚師同１位侍應都有用日語歡迎我地！
鋪頭比較細，得幾個位，入到去岩岩好有２個位，如果唔係我諗要等位。
點餐方面，有張點餐紙自己選擇自己鍾意食既味道同拉麵喜好。每位客人跟一張紙。
有幾款拉麵而我地就分別叫左織田將軍拉麵同德川將軍拉麵！
店門有武士公仔，唔知大家對呢兩位將軍既歷史又熟唔熟識呢？
以前都睇過日本史同日本動畫，知道呢兩位都係好出名厲害既日本戰國人物。
好奇食完呢個麵之後，搵左Ｄ有關呢兩位將軍既故事，
織田將軍有個綽號叫做第六天魔王，有無人又知點解呢？
拉麵湯底，湯都幾香濃但唔算膩，幾好飲既湯底。大家可以自己選擇口味。
麵身方面可以選自己鍾意食既軟硬度。
仲可以加配菜添，溫泉蛋係玻璃碗仔另上。溫泉蛋配菜價錢為$10。蛋面上有香蔥係面，因為唔係我食，所以都唔知味道係點，但係男朋友話，都幾有蛋味 ，（不要打我XDD)
食完之後，大廚（啡色頭髮？）仲問我地好唔好食，都幾好服務同幾ＮＩＣＥ。
內在環境方面，好似坐到既客人唔算太多，因為都幾似日本個Ｄ細型拉麵鋪，
拉麵師傅同客人可以近距離接觸，可以睇到師傅整拉麵既過程。
除左地方比較細左小小之外，食物質素環境同服務都幾好唔錯，價錢亦都合理，值得再食。
我地一人一碗麵，加隻溫泉蛋，加埋都係$166，份量對大食既女仔我都岩岩好 。
因為拉麵價錢真係好食小小都好貴，所以我覺得呢到價錢都幾合理：）
張收據亦好特別，一早比左你寫埋價錢仲寫埋’$200'同'找錢$34'，方便客人找續。
有好多配料比你選擇，仲可以任飲茶
好味：）
张贴
