武士料理

营业中

休息中

武士之魂刺身盛擺盤好似樓梯咁一層一層展示每一款刺身，大拖羅、馬糞海膽、中拖羅、油甘魚、深海池魚、牡丹蝦、魷魚、帆立貝，款款都係新鮮厚切，仲有一碗拖羅蓉丼飯，幾抵食。芝士軟殼蟹反卷軟殻蟹大大隻有香脆嘅口感，配料仲有蟹柳同埋上面微微燒過嘅芝士，整體都幾夾，值得一試。日本海膽流心忌廉餅蟹肉忌廉餅食得多，海膽餡嘅就比較少見，酥脆嘅吉列外皮入面係Creamy嘅海膽忌廉。波板豚腩串個名好得意，類似係拉麵嘅叉燒，外面有少少焦脆，食落香口。鹽燒白鱔皮脆肉嫩，厚身又唔多骨。