PizzaExpress (已結業)

之前幫襯過其他分店，但又一城呢間就未試過。唔覺唔覺，上一次幫襯好似已經成年前。而望望個menu好似添加左唔少素食菜式，開正我果範。呢個沙律我好欣賞，因為火箭菜一向有種苦味，而紅菜頭非常新鮮，完全中和了火箭菜的苦澀。而且份量剛好，不多不少，正好可以開懷地吃下一道菜。芝士磨菇同我想像中好唔同，我就咁睇名我以為係原整一隻菇，之後上面鋪左芝士焗-點知原來係一啲芝士醬加菇碎拌小麵包。我都覺得有啲突兀，不過其實都縛幾好食，起碼夠熱先、唔會凍左stick 埋一舊。但菇碎可以再加多少少，咁會更香更有口感。