影片
更多
2006-05-26
13 浏览
南瓜搞的飯局，撞正星爺牛一，可惜壽星仔私下有局，來唔到，沒差，一行9人來吃個地道的焗魚腸及一些小炒。行到地鐵，南瓜已打電話來追問，畢竟偶的習慣是有早遲，遲到不如唔到，但今日真的發生很多事，抽唔切身，最後都要遲到，罪過。首次來神燈，左瞄瞄、右瞄瞄，橫豎看都沒有門，是門都沒有乎？問問阿姐，指著身邊的魚缸，唔係化！真係身形比較大的人，都入唔到！店內，分開兩邊，大廳玻璃寫招牌菜，是本地酒家的特色，走入內舖，是招呼柴娃娃的「廂房」，南瓜早有準備，已包了其中一席，估唔到地痞酒家，都有此服務。入坐，已見食友大聲講大聲笑，好不熱鬧，打個招呼，又問問南瓜點了什麼，順序如下：響螺雞湯、椒鹽魷魚鬚、焗魚腸、西芹魚扣（辣）、巨型豆腐釀鯪魚、趣緻熊貓一隻、油泡田雞、貢菜、鮮魷牛骨髓、生魚湯、九肚魚、炸乳鴿X2，看陣容十足，唔食得都睇得下，是平民版的「九大鬼」。與閒遊說著免費雜誌metromagazine，用膠套包著，layout簡潔，幾吸引，飲食潮流的資訊雜誌，不過食相lighting錯晒，感覺怪怪的，又咁講，免費既野，都算做得唔錯，然後響螺雞湯上來，細細的一盅，材料十足，尤其是雞腳，多到你唔信，湯明顯唔夠分，
行到地鐵，南瓜已打電話來追問，畢竟偶的習慣是有早遲，遲到不如唔到，但今日真的發生很多事，抽唔切身，最後都要遲到，罪過。
首次來神燈，左瞄瞄、右瞄瞄，橫豎看都沒有門，是門都沒有乎？問問阿姐，指著身邊的魚缸，唔係化！真係身形比較大的人，都入唔到！店內，分開兩邊，大廳玻璃寫招牌菜，是本地酒家的特色，走入內舖，是招呼柴娃娃的「廂房」，南瓜早有準備，已包了其中一席，估唔到地痞酒家，都有此服務。
入坐，已見食友大聲講大聲笑，好不熱鬧，打個招呼，又問問南瓜點了什麼，順序如下：響螺雞湯、椒鹽魷魚鬚、焗魚腸、西芹魚扣（辣）、巨型豆腐釀鯪魚、趣緻熊貓一隻、油泡田雞、貢菜、鮮魷牛骨髓、生魚湯、九肚魚、炸乳鴿X2，看陣容十足，唔食得都睇得下，是平民版的「九大鬼」。
與閒遊說著免費雜誌metromagazine，用膠套包著，layout簡潔，幾吸引，飲食潮流的資訊雜誌，不過食相lighting錯晒，感覺怪怪的，又咁講，免費既野，都算做得唔錯，然後響螺雞湯上來，細細的一盅，材料十足，尤其是雞腳，多到你唔信，湯明顯唔夠分，偶就打趣說加：「多隻雞腳，「晾高」碗湯咪得囉！」，勉強的分了九碗，足料的湯衰極有個譜，唔係老火湯，火候唔夠，雖然油撇唔清，都幾夠味，交足工課。
又估唔到椒鹽魷魚鬚同焗魚腸同期出場，速度可與1分鐘出產一碟炒麵的「波記」相比，椒鹽魷魚鬚賣相麻麻，睇落都幾軟腍，鑊氣唔夠，有理無理，一於試試這裡的招牌菜焗魚腸，金金黃黃漲卜卜，油炸鬼、蔥粒、魚腸隱約浮現，賣相對版，試一口，蛋香十足，卻嫌面層焗得不夠脆，魚腸割開去油洗淨，洗得太乾淨，連魚油一併去掉，失卻風味，細嚼一口，微腥，見腸不見肝，風味自然又唔見多兩分，亦沒有陳皮及豆豉打成的蓉來焗，是以陳香不足，說真的，這裡的魚腸不算好差，但對比益新，少了魚肝鮮味，又沒有花工夫在陳皮及豆豉上，有對比下，級數立見。
試了兩件椒鹽魷魚鬚，問題是椒鹽味不足，唔夠鑊氣又唔夠香口，較之喜記又輸一個馬位，更不用說增輝；邊喝麵包兄帶來的靚紅酒，純而易入口，不錯喝，偶繼續喝，Jeff同南瓜就繼續他們的「斷背」史，正想替Cicly留菜時，她人已到，橫豎順手就夾些魚扣給她，魚扣即是魚胃，無味卻有嚼頭，呢味菜都幾辣，食完即告胃痛。
正說著Denny為啥面紅，亦忍不住說：「夾在兩位靚女中間，唔面紅就有鬼！」，然後，「鬼就無，星爺就有。」，話唔來又來的星爺來到，辣塊媽媽的，從前只有偶給壽星仔女supprise，那有壽星仔女給偶supprise的道理，都幾十歲人，仲玩埋d咁既野！超不爽說！
嬲爆爆，單刀直入，問他是否被朋友放鴿子，「無，梗係無啦！」，咁咪即係有囉，食件豆腐釀鯪魚啦！Cicly問是否鯪魚，咁既色水，都好難唔係鯪魚，大鍋汁浸著，味道一般，是填肚之物；之後是油泡田雞，唔知呢味菜點整，唔敢講做得好唔好只可以話，肉質比偶還要奀，唔鮮，泡得唔夠香口，油膩膩，不討好，反而粒菇就幾好味哈．．．哈．．．．
食友手起筷落，鮮魷牛骨髓其中的蝦已經被撿個精光，Jeff傻呼呼的問蝦在那？沒好氣說，你斷背斷咁耐，d蝦唔等你，走左啦！說這道牛骨髓，嫌其煮得唔夠黏腍，汁亦唔夠濃，當然用來送粥都唔錯，又說這碗白粥，充滿著白果香，辣椒女亦大讚香甜好味，是水準之作。
當食得八八九九時，眾人戰力依然旺盛，就加單，叫了九肚魚、炸乳鴿X2，菜不一會就出來，果然有效率，最後兩味確實做得唔錯，九肚魚肉質幼嫩，椒鹽炸得甘香惹味，送油一流，乳鴿皮脆肉嫩，$38隻，夠抵食，還是老樣子吃魚「算骨」、吃鴿嚼頭來吃，死性改不了～
見桌上貨色清得九九十十時，就借個電話，出去找些「驚喜」回來，找了10數分鐘，打開盒是條大鯨魚，嚇得星爺走出大廳，偶就是不甘早前的supprise，現在是還以顏色，柴娃娃的將鯨魚分了，屬「貓」的，生日快樂！！！咦，條鯨魚被Jeff一口奪去，Jeff咩味呀？
是日速遞：
http://www.imagestation.com/album/pictures.html?id=2106001033
张贴
