麻辣風雲 (京都廣場) (已結業)

午餐時段去食無咩人唔駛排隊，裝修就中國風既，去到職員都好有禮貌，而且地方都唔會迫，午餐時段有lunch set, 叫左兩個客飯，分別係酸菜魚同蔥油雞飯，而且包兩杯餐飲。上菜速度都算快，先上酸菜魚，雖然係lunch set, 但份量都算ok, 唔會話唔足料，入面配料有芽菜，萵筍，薯粉，菇，當然有好多酸菜，魚既份量都算多，而且幾滑，食落口感唔錯，佢呢個辣度唔算辣，係酸味比較重，食落幾開胃，而且唔算好咸，值得一試。蔥油雞真心有驚喜，雞份量多，而且雞肉好嫩滑，加埋d汁成個口感都好好，下次可以再戰。