太湖海鮮城

营业中

休息中

呢間長期超級旺場，我食到凌晨12點左右都keep住有客入黎。食物好食又抵食，叫左薑葱籠仔蒸蝦，起碼有11/12隻中蝦，又爽又大隻，勁新鮮；南乳吊燒雞半隻，雖然細細隻，但2個人都夠食，仲有溏心皮蛋同酸薑伴碟，超正，雞髀肉滑又夠入味；最好食我個人覺得係送既甜品，每枱客人都有蛋散同紅豆沙，份量足，蛋散勁鬆化又有蛋味。仲有侍應叔叔姨姨們都好professional，快手又細心，極速換碟加水接order，全晚忙到不得了（我諗佢地每一日都係咁忙）又無停過但都唔會黑面仲笑笑口，呢啲先係pro呀！同出面其他酒樓真係無得比，呢間真係值得推薦，2個人食4個餸仲送埋甜品，宵夜先係300幾，無得輸。