影片
更多
2022-12-07
1543 浏览
尖沙咀泰菜推介！新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A舖及地庫今日同朋友去尖沙咀行街，行到午飯時間有啲肚餓，喺K11附近對開經過見到依間叫新泰東南亞餐廳，見到門面嘅光線裝修唔錯，舖頭亦都有唔少泰國嘅擺設，咁啱聽到門口兩位服務員都係用泰文溝通，好似好正宗咁，感覺上好似唔使出國都能感受泰式美食，於是就同朋友入去試一試。原來餐廳做緊午市優惠， 12:45之前離座就有九折優惠，不過我今日係入去嘅時候已經係12:30 ，冇辦法享用呢個優惠啦！朋友好想食蔗蝦，於是我哋嗌咗一客越式烤蔗蝦，一客$78有三條，炸蝦新鮮熱辣，超級好味，啲蔗仲好鮮甜添啊，真係好少食到！另外我哋仲叫咗兩客升級午市套餐，其中一客是喇沙米線，喇沙湯底超濃郁，米線配料豐富，有蝦、魚片、雞蛋、芽菜、豆卜等等，魚片厚身有魚味，值得一食！另外我哋加咗$28要一客蒜蓉炒貴妃苗，貴妃苗鮮嫩香甜，食落口唔會有渣，健康有益之選！另外一客我哋叫咗巴東牛腩配白飯，加$28要咗一客絲綢炸春卷，炸春卷的外層係米紙，好有東南亞特色，值得一食呀！ $28就有四塊，仲有生菜🥬可以包住嚟食減低炸物的油膩感！巴東牛腩嘅牛
新泰東南亞餐廳 (尖沙咀)
尖沙咀加拿分道25-31號國際商業信貸銀行大廈地下1A舖及地庫
今日同朋友去尖沙咀行街，行到午飯時間有啲肚餓，喺K11附近對開經過見到依間叫新泰東南亞餐廳，見到門面嘅光線裝修唔錯，舖頭亦都有唔少泰國嘅擺設，咁啱聽到門口兩位服務員都係用泰文溝通，好似好正宗咁，感覺上好似唔使出國都能感受泰式美食，於是就同朋友入去試一試。
原來餐廳做緊午市優惠， 12:45之前離座就有九折優惠，不過我今日係入去嘅時候已經係12:30 ，冇辦法享用呢個優惠啦！
朋友好想食蔗蝦，於是我哋嗌咗一客越式烤蔗蝦，一客$78有三條，炸蝦新鮮熱辣，超級好味，啲蔗仲好鮮甜添啊，真係好少食到！
另外我哋仲叫咗兩客升級午市套餐，其中一客是喇沙米線，喇沙湯底超濃郁，米線配料豐富，有蝦、魚片、雞蛋、芽菜、豆卜等等，魚片厚身有魚味，值得一食！另外我哋加咗$28要一客蒜蓉炒貴妃苗，貴妃苗鮮嫩香甜，食落口唔會有渣，健康有益之選！
另外一客我哋叫咗巴東牛腩配白飯，加$28要咗一客絲綢炸春卷，炸春卷的外層係米紙，好有東南亞特色，值得一食呀！ $28就有四塊，仲有生菜🥬可以包住嚟食減低炸物的油膩感！
巴東牛腩嘅牛份量好似好豐富，我諗夾夾埋埋有成19 ，巴東汁亦都好有特色適合想食辣辣地但又唔想食普通咖喱嘅你！
我覺得依間餐廳服務、食物、裝修都唔錯啊，值得一食！餐廳座位亦都好多，我哋坐得舒服，適合朋友聚會！
张贴
