甜牙牙 (已結業)

係電視見到《演野》既九層塔，搞到我地成班fd都想去試下，終於搵左一日放學去試。 可能因為都係七點幾，唔洗點等位就可以入去食。 一黎我地五個人就即刻叫左個巨無霸九層搭窩夫先，之後我地又叫左個朱古力二人世界。 大約十分鐘個朱古力二人世界就黎左。賣相真係滿分，又朱古力心太軟係面，再加上雪糕，真係口水都流埋。 個雪糕應該係岩岩筆出黎，建議快啲食左先，因為心太軟都係岩岩焗 出黎，佢既熱力會整溶啲雪糕。心太軟既甜味還可以，不過因為佢既可可比例高啲（好似72%），所以對於某啲朋友可能覺得苦左少少。心太軟旁邊既水果都幾好食，至少係新鮮同埋唔係酸。 九層巨無霸真係超大份，同電視影既一模一樣，真係唔明果個人點樣可以係九分幾鐘一個人食哂佢。 九層塔既每一層都有唔同既味道，岩哂一班人一齊分享。我地再叫左士多啤梨朱古力脆脆，有朱古力窩夫，又有士多啤梨粒，再加上朱古力雪糕，岩哂中意士多啤梨同朱古力既人。最重要既一點係佢有埋蜜糖比你去點窩夫，岩哂中意甜既人。其實總括黎講真係唔錯，環境唔錯，坐得舒服又乾淨，再加上侍應都會細心咁比杯清水你去飲，同埋啲 食物味道唔錯之餘賣相又靚，所以值得我再去。